Sube vi povas trovi eĥojn al la aperigo de la referenckadra dokumento en Esperanto.

Por elŝuti la subajn du gravajn dokumentojn de la ĵus publikigita Referenckadro bonvolu klaki al ruĝaj linioj sub la bildoj.

La dokumentoj elŝuteblas ankaŭ en la oficiala retpaĝo de la Konsilio de Eŭropo. Serĉu tie la Esperanto-version!

         Referencniveloj: Ĝenerala tabelo                 Laŭŝtupa memtaksilo

Dum la legado de la PDF-dokuemnto bonvolu uzi la legosignojn (bookmarks).

El la  Antaŭparolo por la esperantlingva eldono

Komuniko de UEA pri la novtipaj lingvoekzamenoj

Konforme al la novaj lingvotestaj normoj de la Konsilio de Eŭropo la ekzamena laborgrupo de UEA kaj ILEI estas ellaboranta novan ekzamensistemon, kiu ebligos al la esperantistaro trapasi internaciajn ekzamenojn je tri niveloj A, B kaj C.

La novtipajn atestojn pri la lingvokono pli kaj pli ofte postulas jam la dungantoj kaj edukinstitutoj ne nur dise en Eŭropo, sed ankaŭ en multaj aliaj landoj de la mondo. La ekuzo de unueca normaro ebligas la taksadon de lingvaj lertoj laŭ samaj kriterioj ene kaj ekster Esperantujo, kompare kun ajna nacia lingvo. (Pliajn informojn trovu en la sekcio Referenckadro en www.edukado.net)

La testado de la novtipaj ekzamenoj finiĝos en tiu ĉi jaro kaj la nova ekzamensistemo povos ekfunkcii en la jaro 2008.

En la unua perido tiaj ekzamenoj estos organizataj de du eŭropaj centroj, kiuj poste trejnos kaj rajtigos ekzamenantojn kaj organizos sesiojn ankaŭ ekster siaj sidejoj.

La malnovaj ekzamenoj de UEA-ILEI dume plu estos okazigataj laŭ la malnova strukturo, t.e. en du niveloj. Ni konsilas trapasi ilin al tiuj, kiuj nur ene de la movado bezonas la atestojn.

Pri la Referenckadro, taksaj normoj kaj pri la novtipaj ekzamenoj okazos prezentoj dum la Tago de la Lernejo en Jokohamo.

UEA-ILEI alvokas ĉiun Landan Asocion akiri kaj studi la broŝuron La Komuna Eŭropa Referenckadro (UEA, 2007, mendebla de la Libroservo aŭ elŝutebla de edukado.net) kaj laŭ tio komenci adapti siajn enlandajn esperantajn instru- kaj ekzamensistemojn.

Por pliaj informoj kontaktu Zsófia Kóródy (esperanto-zentrum@web.de), la vicprezidanton de ILEI.

En januaro 2007 UEA - kunlabore kun ILEI kaj www.edukado.net  - eldonis informobroŝuron kun la titolo

La Komuna Eŭropa Referenckadro - Pri instruaj kaj taksaj metodoj por la akiro de modernaj lingvoj [1].

La kernon de la 24-paĝa materialo konsistigas la esperantlingva traduko de la unua ĉapitro de la plurcentpaĝa libro [2] eldonita de la Konsilio de Eŭropo kaj konsiderata la plej baza kaj grava dokumento en la eǔropa lingvoinstrua medio. En la kajero estas republikigataj ankaŭ la memtaksaj tabeloj de la Referenckadro kaj aldona artikolo pri la uzo de la Europass-sistemo.

Per la informkajero UEA kaj ILEI celas diskonigi la enhavon kaj la signifon de la Referenckadro, informi pri sia kunlaboro kun la Lingva Departemento de la Konsilio de Eŭropo kaj indiki la paŝojn faratajn kaj farotajn kun la celo ebligi al la tutmonda esperantistaro pli kvalitajn kaj pli modernajn lingvolernajn kondiĉojn kaj egalajn lingvajn rajtojn.

La kunlaboro kun la Konsilio de Eŭropo kaj la akirita permeso traduki kaj eldoni ties bazajn dokumentojn ankaŭ en Esperanto signifas grandan paŝon en la lingvopolitika tereno, kien ni jam delonge provas penetri pledante por Esperanto.

La taskoj por esperantistoj en la nuna fazo estas:

·          trastudi la broŝuron, orientiĝi pri la lingvonivelaj skaloj (A1-C2) de la ĝenerala tabelo kaj Laŭŝtupa Memtaksilo  kaj apliki ilin por difino de lingvoniveloj kaj por klasifiko de lanĉotaj kaj frekventotaj kursoj, studoj, planataj instruprogramoj kaj enlandaj ekzamensistemoj;

·          trovi kaj ekuzi la nacilingvajn broŝurojn de Lingva Dokumentujo (Portfolio) kaj listigi tie inter la regataj, studataj lingvoj ankaǔ Esperanton. La uzo de tiuj dokumentoj fariĝas pli kaj pli populara kaj necesa inter la junuloj kaj studentoj (sekve speciale instruistoj kaj gepatroj de ‘denaskuloj’ povas multe helpi tiukampe). La Lingva Pasporto estos taksata pli serioze ankaŭ de eŭropaj labordonantoj kaj instruinstancoj. La raportoj pri Esperanto, spertoj pri ĝia interkultura uzo, la eventuale bonaj kaj relative rapide akiritaj rezultoj en la alproprigo de tiu lingvo espereble altiros la atenton de fakuloj pri lingvoinstruado kaj -taksado.

Rilate al la Referenckadro la ĉefaj taskoj de niaj fakuloj pri lingvoinstruado estas:

·          oficiala kaj konsekvenca apliko de la nova skalo kaj de la koncernaj terminoj;

·          ellaboro kaj akreditigo de nova, laŭnorma ekzamensistemo de UEA/ILEI.

Pri la efektiviĝo de tiuj laboroj serĉu informojn en la oficialaj organoj de ILEI kaj sur nia hejmpaĝo.

Ni baldaŭ publikigas resuman paĝaron pri la sciendaĵoj, ligojn al la koncernaj nacilingvaj paĝaroj kaj planas lanĉi interagan ekzamenejon, kiu helpas rete taksi onian lingvonivelon laǔ la normoj de la Referenckadro.

La broŝuro estas rete elŝutebla ĉi-supre kaj en la LEGEJO . 

La paperforma broŝuro estas akirebla ĉe UEA .

ILEI kaj UEA ĉe la

Interregistara Forumo pri „La Komuna Eŭropa Referenckadro por lingvoj (KER) kaj la ellaboro de lingva politiko: defioj kaj respondecoj”,

organizita ĉe la Konsilio de Eŭropo, en Strasburgo, 6-8 februaro 2007.

Sekve de unujara kunlaboro inter ILEI-UEA kaj la Lingvopolitika Departemento de la Konsilio de Eŭropo Márta Kovács el Hungario havis eblon reprezenti la tutmondan esperantistaron en la ĵus finiĝinta interregistara Forumo, kie partoprenis fakdelegitoj kaj projektogvidantoj, reprezentantoj de eŭropaj kaj ekstereŭropaj landoj, eŭropaj politikaj kaj lingvoinstruaj instancoj kaj neregistaraj organizaĵoj.

En grava parto de la programo oni prezentis la klopodojn de la Konsilio de Eŭropo por realigi sian instruan politikon, kies centra elemento estas edukado je plurlingveco. En tiu kunteksto estis ekzamenataj la atingoj de KER; prezentitaj la raportoj kaj studoj de la reprezentantoj. Du laborgrupoj diskutis pri la du ĉefaj terenoj de la uzo de la KER: planado de lingvaj instruprogramoj, respektive pritakso de lingvaj konoj. Koncerne la  pluan utiligon de la Referenckadro en ambaŭ grupoj prioritaton havis la ellaborado de normigitaj referenciloj lige al ĝi, same kiel laŭnivelaj ilustraĵoj, krome la plia diskonigo de la Referenckadro mem, per la verkado de iom pli facile kompreneblaj resumoj.

La nuna partopreno en la forumo donis novajn spertojn kaj kontaktojn por la estontaj tiuterenaj kunlaboroj kaj projektoj, pri kiuj la laborgrupo de UEA kaj ILEI estas plu laboranta.

 La supran komunikon vi povas elŝuti ankaŭ en PDF-formato.

http://www.coe.int/t/dg4/linguistic/default_EN.asp?

Fotoj: http://multimedia.coe.int/directquery.pgi?username=__GUEST&lightbox=3812