Novaĵoj
LIBERAJ STUDOJ atendas vin kun 15 lecionoj
Kategorio: Edukado; Dato: 2012-10-17 23:06:29
Ni atentigas vin pri relative nova sekcio de nia paĝaro. LIBERAJ STUDOJ en la KLERIGEJO estas la loko, kie vi povas kleriĝi kaj lerni pri aŭ pere de Esperanto, spektante, aŭskultante filmitajn aŭ sonregistritajn prelegojn de fakuloj, legante la resumon aŭ la kompletajn tekstojn de la materialo kaj solvante testojn pri la lernitaĵoj.
En la 8 fakoj de LIBERAJ STUDOJ jam troviĝas 15 prelegoj de 12 aŭtoroj.
La unuopaj lecionoj sekveblas sen ajna vicordo, laŭplaĉe kaj unuope, tamen la programo per resuma paĝo helpos...
Zamenhof disdonis la KER-atestilojn ankaŭ en Bonaero
Kategorio: Edukado; Dato: 2012-10-11 11:16:02
La 7an de oktobro Petra Smidéliusz, la loka organizinto de la Tutmonda KER-ekzameno en Bonaero, Argentino, akompanata de honora gasto transdonis la ekzamenatestilojn al la sukcesintoj kadre de festeto dum la 54a Argentina Kongreso de Esperanto.
Leginte la raportojn pri la aliaj festoj ĉirkaŭ la mondo, Pablo León, loka aktivulo ekhavis la ideon sekvi la brilan ekzemplon de la limoĝanoj, kaj vestis sin kiel Doktoro Zamenhof por lude transdoni la atestilojn.
La 9 personoj, kiuj ĝoje transprenis siajn dokumentojn, konsideras sin pioniroj, ja ili estas la...
Produktiĝis jam pli ol 10 mil ekzempleroj de Poŝamiko
Kategorio: Edukado; Dato: 2012-10-09 08:25:38
En oktobro 2012 eliris el la presejo al 7a eldono de Poŝamiko . La furora libreto nun produktiĝis en 2500 ekzempleroj, kaj tiel la suma eldonkvanto de ĉiuj eldonoj superis 10 mil. La libro plurfoje staris je la unua loko de la UEA-vendolisto, kvankam UEA estas ne la nura distribuanto.
La eldonaĵo ne estas laŭŝtupa lernilo, do, ne taŭgas kiel nura libro por kurso de komencantoj, sed oni uzas ĝin en kursoj kiel resumilon kaj aldonan materialon, dum modellecionoj, mallongaj prezentoj pri Esperanto ĝi bone servas kiel ripetilo aŭ varbmaterialo....
Trilanda konferenco de instruistoj en la ĉeĥa Břeclav
Kategorio: Movado; Dato: 2012-10-05 21:33:58
En la tagoj de la 27-a ĝis la 30-a de septembro 2012 okazis en la ĉeĥa ĉelima vin-urbeto Břeclav la trilanda konferenco sub la devizo Esperanto kiel vojo al ekkono de niaj najbaroj. Partoprenis ĝin krom aŭstroj, ĉeĥoj kaj slovakoj ankaŭ poloj, braziloj, germanoj kaj hungaroj, entute 98 esperantistoj. La solenan inaŭguron partoprenis ankaŭ la urbestro, kiu salutis la ĉeestantojn kaj prezentis al ili la gasturbon, kiu bonvenigis la konferencanojn ankaŭ per esperantlinga salutvorto sur la urbaj retpaĝoj. Antaŭ la vespera programo estis tralegitaj la salutvortoj de UEA- kaj ILEI- prezidantoj.
Stefan MacGill, la ILEI-prezidanto, pere de...
Herzberg dum la Eŭropa Tago de Lingvoj
Kategorio: Movado; Dato: 2012-10-01 07:40:44
-- Interkultura Centro Herzberg aliĝis al la alvoko por agi, festi la Eŭropan Tagon de Lingvoj.
EN LA ESPERANTO-CENTRO
ni organizis diskutrondon pri lingvaj demandoj, lingva demokratio kaj prelegon de Peter Zilvar pri minoritataj lingvoj la 26an de septembro en la Esperanto-Centro en Herzberg am Harz - la Esperanto-urbo.
La evento aperis ankaŭ sur la koncerna oficiala hejmpaĝo de la Konsilio de Eŭropo en la evento-kalendaro.
http://edl.ecml.at/tabid/1772/EventID/6498/Default.aspx
En la speciala klubkunveno partoprenis klubanoj kaj gastoj devenantaj el eŭropaj kaj...
